VOV4.Xơ Đăng -  Pôa Lê Văn Thành, Ngế pro xiâm phŏ hnê ngăn tơnêi têa nếo kĭ pơkâ kơxô̆ 461/QĐ-TTg kĭ tơdroăng mơjiâng  Pơkâ kơpong Tây Nguyên pơla hơnăm 2021-2030, hvái ngăn  pêi pro troh hơnăm 2050. Tơdroăng pơkâ dêi tơdroăng mơjiâng Pơkâ cho pơ’lêh troăng rơhlâ, tơdroăng cheăng pêo ƀă troăng rơhlâ cheăng kâ -rêh ối  ƀă kơpong Tây Nguyên cho: mơdêk tơ-brê mâu deăng pêt loăng plâi tê lo liăn, deăng pêt loăng nhâ pơkeăng , pro mâu khu tơrŭm pêi pêt, uâ pro, ‘măn, rak ngăn  ƀă xing xoăng  ăm tíu tê, mơjiâng inâi tơmeăm tê tung lâp plâi tơnêi; tơmâng khât troh ‘mâi mơnhông ƀă mơdêk cheăng kâ ‘na kong; mơdêk ‘mâi pêt; mơdêk tơ-brê mâu kơpong ôm hyô ki kân, mơjiâng mâu roh ôm hyô chuyên đề ‘na tơdroăng ki xiâm dêi kơpong Tây Nguyên; mơdêk mơngế pêi cheăng, tơniăn ‘na kuăn pơlê, tơniăn  rak ngăn ƀă ‘mâi mơnhông mâu tơdroăng ki pơxúa ton nah, túa vêa vong lĕm tro mâu hdroâng kuăn ngo Tây Nguyên; mơjiâng troăng prôk chêng tơdrăng lê̆m ƀă ‘mâi rơnêu pro troăng prôk tung kơpong, mâu troăng xiâm prôk tung mâu kongpơlê kơpong Tây Nguyên ƀă Peăng mâ hâi lo ‘na hdroh tơnêi têa, kĭng têa kơxĭ peăng hdroh Tơdế tơnêi têa ƀă peăng hdroh kong têa Lếo ƀă Peăng mâ hâi lo kong têa Kul.

Gương tơplôu ƀă tơbleăng