VOV4.Xơ Đăng - Leh tơbâ 97 hơnăm Hâi Hlá tơbeăng Kăch măng Việt Nam, kơmăng kố, Leh diâp pri Hlá tơbeăng Tơnêi têa roh má 16 - hơnăm 2021 châ tơkŭm po kân krip a Hà Nội. Kố cho hâi leh kân tơ’mot hên ngế vâ ‘nâi plĕng dêi khu chêh hlá tơbeăng tung lâp tơnêi têa. Ing 2 rơpâu ƀai chêh veăng tơ’noăng, ing hên rôh tơ’noăng rah xo, Khu tơkŭm po pơkâ pơcháu: 10 pri A, 22 pri B,  48 pri C,  35 pri mơhnhôk ăm mâu ki chêh, khu pro ki rơkê má môi.

Mâu ƀai chêh veăng tơ’noăng kâ pri Hlá tơbeăng tơnêi têa hơnăm 2021 hiăng teăm tối tŭm tơdroăng, hên ki lĕm tro tơdroăng kal kí kân dêi tơnei têa, malối, ‘na tơdroăng kâi châ tơkâ pơreăng kân COVID-19 hlo hên mâu khu hlá tơbeăng chêh. Hên mâu ƀai chêh tơ-brê tơdjâk troh tơdroăng rêh ối, châ mâu kơ koan khu râ pơkuâ cheăng tơmâng xo, tơleăng mơnhên, kuăn pơlê khĕn kơdeăn.

Gương tơplôu ƀă tơbleăng