VOV4.Xơ Đăng - Kơxo lơ 7/4, a pơlê kong kơdrâm Kon Tum, Khu hnê mơhno mơhnhôk pleăng mơheăm kong pơlê Kon Tum tơkŭm po leh mơhnhôk ‘’Hâi tâi tâng kuăn pơlê pleăng mơheăm hơnăm 2022’’. Tơdroăng pêi kố vâ mơdêk hlê plĕng tung mâu râ kuăn pơlê ‘na xiâm kối, ki kơnía lĕm dêi tơdroăng ‘’Pleăng mơheăm tŏng kum mơngế’’.

Veăng pleăng mơheăm klêi kơ’nâi Leh mơhnhôk ‘’Hâi tâi tâng kuăn pơlê pleăng mơheăm hơnăm 2022’’

Xông tơpui a Leh mơhnhôk, jâ Y Ngọc, Kăn phŏ hnê ngăn Vi ƀan kong pơlê Kon Tum tối ăm ‘nâi, mâu hơnăm hiăng hluâ, tơdroăng pleăng mơheăm a kong pơlê Kon Tum hiăng chiâng tơdroăng ki lĕm trâu hơngế, châ kơdrâm kuăn pơlê veăng pleăng. Krê tung hơnăm 2021 pơla kố nah, kơvâ khăm pơlât kong pơlê Kon Tum tơdah châ lối 5.200 tơdrong mơheăm ing mơngế pleăng mơheăm. Klêi kơ’nâi Leh mơhnhôk, ai lối 300 tơdrong mơheăm châ kuăn pơlê kong pơlê Kon Tum pleăng ‘măn tung ‘’Tíu chôu ‘măn mơheăm pơtroh lâp lu’’ kum tung tơdroăng thâ pơlât ƀă pơlât ăm mâu ngế tamo châi.

A Sa Ly tơplôu ƀă tơbleăng