VOV4.Xơ Đăng - Hâi lơ 1/6, Khu ngăn mơhno túa lĕm tro, Tơ’noăng ivá ƀă ôm hyô kong pơlê Kon Tum tơkŭm po leh mơgêi ƀă diâp pri tơ’noăng kơchuâ um vâi o, pơxá “Kơpong xah hêi púi vâ dêi vâi o’’. Kơ’nâi 5 hơnăm mơhnhôk, Khu tơkŭm po tơ’noăng kơchuâ um vai o “kơpong xah hêi púi vâ dêi vâi o‘’ hiăng xo lối 5.700 kơtâ um kơchuâ dêi mâu hok tro hngêi trung râ má môi ƀă râ má péa tung kong pơlê Kon Tum.

200 kơtâ um châ tơbleăng a Hngêi mơđah tơbleăng um tơmeăm kong pơlê Kon Tum

Luâ rôh tơ’noăng tăng rah, 200 kơtâ um ki châ tơ’noăng rah vâ mơgêi ƀă châ tơbleăng a tíu tơbleăng um tơmeăm- Hngêi ‘măn rak hlá mơ-éa kong pơlê Kon Tum. Rơtế ƀă Leh mơgêi ƀă diâp pri tơ’noăng kơchuâ um vâi o, drêng troh hâi lêh dêi vâi o lâp plâi tơnêi lơ 1/6, tung mâu hâi ki kố a kong pơlê Kon Tum xuân hiăng ƀă dế po hên tơdroăng pêi pro mơhno ki tơmâng khât kơ vâi o, cho rơxông tung la ngiâ dêi tơnêi têa.

Gương tơplôu ƀă tơbleăng