VOV4.Xơ Đăng - Tung rơnó mơdrăng 2021 -2022 pơla hdrối kố nah, Đô̆i K53 kong pơlê Kon Tum hiăng tăng tơkŭm châ 13 to kơxêng kiâ mố đô̆i hlâ a Lếo prếi Kul. Ki nhên a 3 kong pơlê Attapeu, Sekong, Champasak, kong têa Lếo, Đô̆i K53 kong pơlê Kon Tum tơkŭm châ 7 to kơxêng kiâ mố hlâ ƀă a kong pơlê Ratanakiri, kong têa Kul. Đô̆i K53 kong pơlê Kon Tum tơkŭm châ 6 to kơxêng kiâ mố đô̆i.

Ilâng kiâ mố đô̆i tơring Ngọc Hồi, kong pơlê Kon Tum tíu ki tơkŭm ‘mế kơxêng kiâ mố đô̆i hlâ a Lếo prếi Kuala

Khu hnê mơhno ‘na tí tăng, tơkŭm ƀă mơnhên inâi kơxêng kiâ mố đô̆i kong pơlê Kon Tum tiô tối hdrối sap ing hâi lơ 30/5 troh lơ 2/6/2022 a 3 to kong pơlê Attapeau, Sekong, Champasak (Lếo) kô tơkŭm po Rôh hôp tơpui, Leh djâ mâu kơxêng kiâ mố đô̆i ƀă tơvêh Đô̆i K53 vêh dêi ngi tơnêi têa tiô tối hdrối sap ing hâi lơ 6 troh lơ 8/6/2022.

Leh ‘mế 13 to kơxêng kiâ mố đô̆i châ Đô̆i K53 kong pơlê Kon Tum tí tăng, tơkŭm a Lếo ƀă Kul rơnó mơdrăng pơla hdrối kố nah tiô tối hdrối kô châ khu pơkuâ ngăn Đảng ủy, Hô̆i đong hnê ngăn, Vi ƀan Măt trâ̆n Việt Nam kong pơlê Kon Tum tơkŭm po a kơxê a kơxo hâi lơ 10/6/2022 a ilâng kiâ mố đô̆i tơring Ngọc Hồi.

Katarina Nga tơplôu ƀă tơbleăng