Xua tơdjâk dêi rôh kong mê a Biển Đông, sap ing kơxo lơ 25/9, a kong pơlê Kon Tum hiăng ai kong mêi. Hbrâ ví ƀă kong mê tiô tối hdrối kô tơdjâk ai kong mê kân tung mâu hâi la ngiâ, khu kăn pơkuâ rêm râ dêi kong pơlê Kon Tum hbrâ tơbleăng mâu troăng hơlâ hbrâ ví ƀă kong mê khía mơhot têa kân ƀă tơnêi tơhnah.

A mâu tơring ki tro tơdjâk xua kong mêi, mê cho: Kon Plông, Tu Mrông ƀă Đăk Glei, Vi ƀan hnê ngăn kong pơlê kon Tum hnê mơhno khu kăn pơkuâ mâu cheăm, tơring rĕng tơbleăng hnoăng cheăng hbrâ ví ƀă kong mêi khía mơhot têa kân, tơnêi tơhnah. Ƀă mâu kơpong kuăn pơlê rêh ối a kĭng têa kroăng, têa plông, kơpong thông, mơni kô tơ’lêi trâm khía mơhot têa lân, tơnêi tơhnah hbrâ rơnáu túa pơkâ hbrâ ví tơkŭm ‘mâi xĕn kuăn pơlê drêng ai tơdroăng ki ôh tá tơniăn.

Hbrâ rơnáu séa ngăn, hnê mơhno troăng prôk a mâu tíu ki ai têa lân, kơpong tro têa lu trâu, têa hiu têi. Pơtroh khu lêng, mâu rơxế kế tơmeăm vâ ‘mâi mơnhông mâu tơdroăng, rak vế tơniăn a troăng prôk a mâu troăng prôk ki xiâm drêng ai rôh kong mê kân.