VOV4.Xơ Đăng - Tung 3 hâi hiăng hluâ, rơtế ƀă lối 4.600 ngế tơ’noăng, tơdroăng kum rơnó tơ’noăng dêi Khu pơkuâ Đoân Droh rơtăm kong pơlê hiăng châ kheăn kơdeăn tung hneăng tơ’noăng mơgêi râ má pái phôh thong hơnăm kố. Tơdroăng kum rơnó tơ’noăng hơnăm kố châ Khu pơkuâ hnê ngăn cheăng Đoân Droh rơtăm Kon Tum tơkŭm po a 12 tíu dêi kong pơlê ƀă lối 700 ngế pleăng hnoăng cheăng veăng.

Hok tro châ mâu pleăng hnoăng cheăng chiân djâ troh lâm tơ'noăng

Tung 3 hâi hiăng hluâ, mâu khu ki pleăng hnoăng cheăng hiăng xing xoăng vâ chê 5.000 plâ kên pâng môh; 150 kong kếo têa xếo kŏng kơdê pơreăng; lối 5.700 kung kếo têa ô, ếo mêi, kế xúa tung hriâm tâp ƀă hía hé. Krê khu ngế kum pơto hok tro ƀă rơxế honđa ki mơhnŏng pleăng xêh hnoăng cheăng hiăng tŏng kum lối 1.300 roh rơxế pơto tê kơtê hok tro; hrĭng roh ngế piu lôi mơ-éa vâ mot tơ’noăng, tơmeăm xúa hriâm tâp ƀă koi piu lôi lăm tơ’noăng hiăng châ tŏng kum teăm tơdrêng.

A Sa Ly tơplôu ƀă tơbleăng