VOV4.Xơ Đăng - Kơxo lơ 10/6, a ilâng kiâ ‘mé mâu ngế hlâ ai hnoăng tơnêi têa tơring tơkăng kong Ngọc Hồi, khu kăn Đảng ủy kong pơlê, Hô̆i đong hnê ngăn, Vi ƀan hnê ngăn, Vi ƀan Măt trâ̆n tơnêi têa Việt Nam kong pơlê Kon Tum tơkŭm leh lăm pôu, tơbâ hnoăng ƀă ‘mé 13 kơxê kiâ mâu ngế ki hlâ Đô̆i K53 tơkŭm rôu xo a Lếo ƀă Kul tung rơnó mơdrăng hơnăm 2021- 2022.

Mâu kăn veăng leh chiân ‘mé  kơxêng kiâ a ilâng mâu ki hlâ ai hnoăng

Tung chôu phut nhoăm pâ, khu kăn 3 to kong pơlê Attapeau, Sekong, Champasak, kong têa Lếo;  ƀă Rattanakiri, kong têa Kul ; Khu kăn dêi mâu lêng Kuân khu 5, Sư đoân 10, khu kăn kong pơlê Kon Tum ƀă krâm kuăn pơlê tơring Ngọc Hồi hiăng chôu nhang, pleăng hơvĭng reăng tơbâ hnoăng mâu ngế ki hlâ xua tơplâ vâ pro tơniăn ăm tơnêi têa, xua hnoăng cheăng ki kân tŏng kum tơnêi têa.

‘Mé kơxêng kiâ mâu ngế ki hlâ a ilâng ai hnoăng tơnêi têa tơring Ngọc Hồi

Tung 13 kơxêng kiâ mâu ngế ki hlâ pleăng tơná lăm tơplâ, mâu ngế rơkê dêi Việt Nam châ Đô̆i K53 kong pơlê Kon Tum tăng rôu xo tơkŭm ‘mế a rơnó mơdrăng hơnăm 2021- 2022, ai 7 kơxêng kiâ mâu ngế hlâ ai hnoăng châ lâk xo a 3 to kong pơlê peăng Hdroh dêi kong têa Lếo, mê cho kong pơlê Attapeau, Sekong ƀă Champasak; 6 kơxêng kiâ ki châ xo xo a kong pơlê Rattanakiri,  kong têa Kul.

Gương tơplôu ƀă tơbleăng