Tơdroăng ngế pêi tơdroăng pơkuâ gâk ngăn kong ôh tá hâk vâ ‘na tơdroăng gâk ngăn kong, pâ pơtê cheăng châ Kơ koan xiâm pơkuâ gâk ngăn kong kong pơlê Kon Tum mơnhên xua tíu pêi cheăng tơbrêi tơbrêh, pá puât ‘na hnoăng pêi cheăng ƀă liăn mơhá iâ ôh tá tơxâng.

Drêng ai tơdroăng mơngế pêi tơdroăng pơkuâ gâk ngăn kong ôh tá hâk vâ tơdroăng gâk ngăn kong, pâ pơtê cheăng, châ Vi ƀan kong pơlê Kon Tum hiăng ai mơ-éa pâ thế ƀă Chin phuh ai troăng hơlâ ki phá tơ-ê ăm khu gâk ngăn kong tối krê ƀă khu gâk ngăn pơkuâ tơdroăng cheăng tối krê.

Rơtế amê, Vi ƀan kong pơlê Kon Tum xuân hnê mơhno mâu tíu cheăng pơkuâ kong pêi pro troăng gâk ngăn kong ƀă tơnêi kong vâ mơngế pêi cheăng tơdah pơkuâ gâk ngăn kong, tơdrêng amê mơnhông cheăng kâ, tơniăn pêi lo liăn vâ rêh ối ƀă kong, hmiân tuăn pêi cheăng.