VOV4.Xơ Đăng - Kơxo lơ 5/6, a pơlê kân Đăk Tô, tơring Đăk Tô, Vi ƀan kong pơlê Kon Tum tơkŭm po leh mơhnhôk ‘’Têt pêt loăng đi đo pâ Pôa Hồ hơnăm 2022 ƀă pêi pro mâu tơdroăng Hâi hyôh kong prâi lâp plâi tơnêi lơ 5/6. Klêi kơ’nâi leh mơhnhôk, Kăn pơkuâ kong pơlê Kon Tum, kăn ƀô̆ mâu khu râ pơkuâ cheăng, kơvâ cheăng rơtế ƀă hên hĭn kuăn pơlê tơring Đăk Tô hiăng lo lăm pêt hrĭng xiâm loăng ngiât tung kơdrum dêi plông kân lơ 24/4 ƀă mâu tíu tung pơlê kân Đăk Tô.

Rơtâ tá hâi leh mơhnhôk Têt pêt loăng đi đo pâ Pôa Hồ hơnăm 2022 ƀă pêi pro tơdroăng Hâi hyoh kong prâi lâp plâi tơnêi lơ 5/6

Rôh kố Khu xiâm ngăn ‘na chiâk deăng ƀă mơnhông mơdêk thôn pơlê kong pơlê Kon Tum tối, ai hên túa loăng, mê cho: loăng karê prăng, loăng sưa, loăng rơnâng, loăng hngó 3 kơtâ hlá...  ăm mâu tíu pêi cheăng, cheăm tơring tung kong pơlê pêt pro loăng ăm lĕm hyôh kong prâi. Tung rơnó mêi hơnăm kố, kong pơlê Kon Tum hiăng pơka pêt nếo 4.500 ha kong ƀă hiăng xing xoăng tơnêi ăm tơrêm kơvâ cheăng, tơrêm cheăm, tơring.

Gương tơplôu ƀă tơbleăng