VOV4.Xơ Đăng - Klêi kơ’nâi lối 2 hơnăm tro tot xua pơreăng COVID-19, a kong pơlê Kon Tum roh rơnó pơtê kố, mâu vâi hdrêng phô̆m xông kân kô chiâng veăng hên tung tơdroăng vâ hriâm tơdroăng ki tơná chiâng rơkê ing hên tíu xah hêi dế châ tơkŭm po. Troh nôkố, mâu Tíu xiâm, Hngêi mơhno túa lĕm tro a kong pơlê Kon Tum hiăng po rơdâ pêi pro pơkâ pêi rơnó pơtê hriâm hơnăm 2022 ƀă pơxiâm tơdah vâi hdrêng phô̆m xông kân mot tung mâu lâm hnê ki vâi hdrêng chiâng rơkê, môi tiah: voh, klê têa, kơchuâ um, nâl kong têa Ăng-glê…

Lâm hnê tơdroăng pêi cheăng Đô̆i dêi Tíu xiâm mơhno túa lĕm tro Tơ’noăng ivá Droh tơtăm, vâi hdrêng hdrêng phô̆m xông kân kong pơlê Kon Tum

Tiô tối hdrối, tung roh pơtê hriâm kố, kơxô̆ vâi hdrêng phô̆m xông kân a Kon Tum veăng xah hêi vâ mơnhông ki tơná chiâng rơkê kô rơkê tâ mê nếo. Nâ Nguyễn Thị Tuyết Mai, Kăn pơkuâ Ƀơrô hnê mơjiâng tuăn ngôa rơkê hnê tơ’nôm Đoân – Hô̆i – Đô̆i ƀă tơdroăng troăng prôk la ngiâ vâ tăng cheăng pêi, Tíu xiâm mơhno túa lĕm tro droh rơtăm, vâi hdrêng phô̆m xông kân kong pơlê Kon Tum tối ăm ‘nâi, tíu cheăng hiăng hbrâ tơdroăng kơxô̆ mâu vâi o phô̆m xông kân veăng tung mâu lâm hnê tơdroăng ki chiâng rơkê tung roh pơtê hriâm hơnăm kố tâk hên.

A Sa Ly tơplôu ƀă tơbleăng