VOV4.Xơ Đăng - Tung tơdroăng ki po mâu tơdroăng cheăng vâ ‘mâi mơnhông, mơdêk ôm hyô ƀă tơmiât troh tơbâ 47 hơnăm hâi tơleăng lĕm peăng Hdroh pro tơnêi têa tơrŭm chiâng môi, Vi ƀan hnê ngăn tơring Tu Mrông, kong pơlê Kon Tum tơkŭm po Rôh hôp sâm Ngọc Linh, mâu kế tơmeăm ki xiâm tơtro ƀă ôm hyô. Cho kơpong ki xiâm ‘na pêt pơkeăng dêi kong pơlê Kon Tum, tơring Tu Mrông nôkố ai lối 1.200 ha sâm Ngọc Linh dêi khu mơdró kâ ƀă kuăn pơlê.

Kĭ tơkêa tơrŭm pêt pơkeăng a rôh hôp

A Rôh hôp sâm Ngọc Linh, mâu kế tơmeăm ki xiâm tơtro ƀă ôm hyô, mâu khu ki rơkê, khu ki rak ngăn kơvâ cheăng hiăng veăng tơpui tối kum tơring Tu Mrông pơkâ tơleăng mâu tơdroăng ki tơvâ tơvân tung tơdroăng ki tơ’mot, mơhnhôk mơ’no liăn cheăng; tơdroăng ki rak vế mơnhông pêt kong; mơdêk ki rơdêi ‘na pơkeăng, po rơdâ ƀăng tơnêi, mơdêk ki dâi lĕm; Mơnhông kơmăi kơmok uâ pơliê; Po rơdâ kơchơ tê; tơdroăng ôm hyô krê tơtro ƀă sâm Ngọc Linh.

Katarina Nga tơplôu ƀă tơbleăng