VOV4.Xơ Đăng - Drêng tơbâ 50 hơnăm hâi ƀlêi châng Đăk Tô - Tân Cảnh (24/4), a Plông kân 24/4 a pơlê kân Đăk Tô, tơring Đăk Tô, Khu pơkuâ ngăn Đảng – Hô̆i đong hnê ngăn – Vi ƀan hnê ngăn – Vi ƀan Măt trâ̆n Tơnêi têa Việt Nam kong pơlê Kon Tum hiăng tơkŭm po kân krip leh tơbâ 50 hơnăm Ƀlêi trâng Đăk Tô - Tân Cảnh ƀă tơdah xo ƀâng khe\n kơdeăn tíu xối tơbâ Tơnêi têa ki tơviah tíu xối tơbâ ton nah Điểm cao 1015 ƀă Điểm cao 1049.

Kon Tum po kân krip leh tơbâ 50 hơnăm Ƀlêi trâng Đăk Tô-Tân Cảnh

Mơdêk hiâm mơno ƀlêi trâng Đăk Tô - Tân Cảnh, 50 hơnăm hdrối nah, Đảng ƀô̆, khu kăn pơkuâ, khu lêng ƀă kuăn pơlê mâu hdroâng kuăn ngo tơring Đăk Tô tối krê, kong pơlê Kon Tum tối tơdjuôm đi đo tơrŭm, môi tuăn, tơkŭm tơbleăng pêi pro châ tơƀrê mâu troăng hơlâ pơkâ, tơdroăng pơkâ malối cho tơdroăng pơkâ Hneăng hôp 13 dêi Đảng, Tơdroăng pơkâ Hneăng hôp 16 Đảng ƀô̆ kong pơlê ƀă pêi klêi châ hên mâu tơdroăng ki kal.

A leh tơbâ 50 hơnăm ƀlêi trâng Đăk Tô - Tân Cảnh, Đảng ƀô̆, khu kăn pơkuâ, khu lêng ƀă kuăn pơlê kong pơlê Kon Tum hơniâp ro châ tơdah xo Pơkâ dêi Ngế pro xiâm hnê ngăn Chin phuh ‘mot tơ’nôm kế tơmeăm ton nah Điểm cao 1015 ƀă Điểm cao 1049 ối tung tơring Sa Thầy ƀă tơring Đăk Tô mot tung tíu xối tơbâ tơnêi têa ki tơviah Tíu ki ƀlêi trâng Đăk Tô - Tân Cảnh. Mơgêi rôh leh, mâu kăn rơtế ngăn, châ hmâng mâu tơdroăng ngê̆ thuât ai inâi ‘’Đăk Tô - Tân Cảnh – Môi rôh ki khên tơnôu’’.

Katarina Nga tơplôu ƀă tơbleăng