VOV4.Xơ Đăng - Drêng yă tơnêi tơníu ôh tá tơniăn tung pơla achê kố, vâ tơniăn tâi tâng tơdroăng ăm mung liăn, Hngêi arak liăn Tơnêi têa tíu pêi cheăng a kong pơlê Kon Tum hiăng pơkâ mâu khu ăm mung liăn tung kong pơlê kơchăng tung tơdroăng ăm mung liăn ‘na kơvâ rôe tơnêi tơníu. Pơtối mê, Hngêi arak liăn Tơnêi têa tíu pêi cheăng a kong pơlê Kon Tum pơkâ mâu khu ăm mung liăn ‘na kơvâ rôe tơnêi tơníu, ki rơkêng vâ tối cho mâu tơdroăng kal vâ ‘na mung liăn vâ rôe tơnêi tơníu; Kơchăng tung tơdroăng séa ngăn pơkâ ăm mung liăn ƀă tơdroăng ăm mung liăn rôe tơnêi tơníu a mâu cheăm, tơring ai tơdroăng tơnêi to kơnâ, mâu tơdroăng tơkêa bro ki ôh tá tơniăn ƀă hía hé.

Pơkâ mâu khu ki ăm mung liăn kal tơmiât nhên tung tơdroăng séa mơnhên, mơnhên yă tơmeăm tơniăn ƀă mâu tơmeăm cho hnoăng xúa tơnêi, tơmeăm ƀă tơnêi.

A Sa Ly tơplôu ƀă tơbleăng