VOV4.Xơ Đăng - Tơdroăng ing Vi ƀan tơring Kon Plong, kong pơlê Kon Tum ăm hlo, mơhé tá hâi châ hlo tro lŭp ki lâi, laga mâu roh tơnêi tơdro tung pơla kố nah tung tơring hiăng pro kuăn pơlê xâu, tô tuăn. Rơtế ƀă tơdroăng pâ thế dêi khu râ kăn kơpêng, mâu ngế cheăng khoa hok rĕng mơnhên xiâm kối, khu râ kăn pơkuâ tơring xuân hiăng hbrâ mơjiâng troăng pêi, thăm séa ngăn, pơtâng tối vâ kuăn pơlê ‘nâi tơdroăng, ing mê, hbrâ tâ mê nếo tung tơdroăng hbrâ ví ƀă tơnêi tơdro.

Rơchôa hdoăng têa Peăng Kơnhŏng Kon Tum

Tơdjâk troh tơdroăng tơnêi tơdro a tơring Kon Plông, nếo achê kố Vi ƀan kong pơlê Kon Tum hiăng pơkâ thế Kŏng ti tơlo liăn mơjiâng pro on tơhrik Vĩnh Sơn – Sông Hinh ƀă Kŏng ti pêi cheăng tiô rơnó on tơhrik Đăk Đrinh vêh séa ngăn tơdroăng tơniăn long rơchôa têa ối tung kơpong pơkuâ; hbrâ rơnáu, rơxế, kơmăi kơmok, plong tuk, tơmeăm khoăng vâ hbrâ ví teăm tơdrêng drêng ai tơdroăng, tơniăn tŏng kum sap ing chôu apoăng châ hlo ôh tá tơniăn, ki rơhêng vâ tối cho tơdroăng ki pro ôh tá tơniăn long rơchôa têa.

A Sa Ly tơplôu ƀă tơbleăng