VOV4.Xơ Đăng - Roh apoăng a kong pơlê Kon Tum ai roh kơchơ sâm Ngọc Linh ƀă mâu tơmeăm ki kơnía git ƀă ôm hyô. Tơdroăng tê mơdró kố châ tơring Tu Mrông, kơpong pêt sâm Ngọc Linh ƀă loăng pơkeăng kơnía dêi kong pơlê Kon Tum châ tơkŭm po sap hâi lơ 24 troh hâi lơ 26 khế 4 la ngiâ.

Hôp tơbleăng ‘na rôh po kơchô sâm Ngọc Linh a tơring Tu Mrông, kong pơlê Kon Tum

Krê kơchơ mơ’no tơdrêng tung um  tiô troăng măng internet kô tơkŭm po tung 10 hâi a trang tê mơdró điên tưh dêi kong pơlê, sap hâi lơ 22/4 troh hâi lơ 2/5/2022. Veăng Kơchơ mơđah tơbleăng ai 44 kơbong mơđah tơbleăng tơmeăm dêi kuăn pơlê, khu tê mơdró, Khu tơrŭm cheăng dêi tơring Tu Mơ Rông, kong pơlê Kon Tum ƀă mâu tíu cheăng troh ing tơring Nam Trà Mi, kong pơlê Quảng Nam, Bình Dương, pơlê kong kân Đà Nẵng. Tơmeăm tơbleăng a kơchơ ki hên cho sâm Ngọc Linh rơtế mâu pơkeăng, tơmeăm ki kơnía tá hâi mơjiâng pro ƀă hiăng châ uâ mơdiê.

A Sa Ly tơplôu ƀă tơbleăng