VOV4.Xơ Đăng - Kong mêi kân ton hâi tung hên chôu a kơxo lơ 26/5 hiăng pro mâu kơpong ối tung 2 cheăm Mỹ Đức ƀă Dà Pal dêi tơring Dạ Tẻh, kong pơlê Lâm Đồng tro lân lu tung têa. Chât toăng hngêi dêi kuăn pơlê ƀă hrĭng ha loăng plâi tro tơdjâk. Tiô riân apoăng dêi kơ koan cheăng, ai 22 toăng hngêi ối dêi kuăn pơlê a mâu thôn 5, 7 dêi cheăm Mỹ Đức ƀă thôn Xuân Châu dêi cheăm Dạ Pal hiăng tro têa mot, đik trâu 0,5 met.

Kong mêi kân tro têa lân lu a tơring Dạ Tẻh, kong pơlê Lâm Đồng

Kong mêi kân, kơlo têa đik kân xuân pro 270 ha loăng plâi, ki hên cho ƀăng yâu păn hdrong, loăng plâi kâ ƀă mâu klôh têa păn ká dêi kuăn pơlê a mâu kơpong ki a nâi dêi 2 cheăm tro lân lu ƀă tơ’nhê. Mâu troăng kân drô thôn, troăng kân ĐH95 tơkâ hluâ mâu cheăm Dạ Pal tro têa mơhiu tơnêi, tơhnah tơhnâp, ki má lối mâu kơpong troăng dế mơjiâng pro.

A Sa Ly tơplôu ƀă tơbleăng