A rôh tơdah, teăng mâ Đảng, khu kăn pơkuâ ƀă Kuăn pơlê kong pơlê Gia Lai, pôa Hồ Văn Niên hiăng rơkâu klêi kơ’nâi tâ phĭu pôk kăn Kuô̆k hô̆i Kul hneăng má 7, rơkâu tơnêi têa ai Khu kăn pơkuâ ki nếo xua pôa Hun Manet, Ngế pro xiâm hnê ngăn kong têa pơkuâ; tơdrêng amê hlối tơngah Chin phuh nếo kô rơtế ƀă Đảng, khu kăn pơkuâ ƀă Kuăn pơlê Kul pơtối mơjiâng tơnêi têa rế hía rế rơdêi; kro mơdrŏng; rơtế tơdjuôm ivá, môi hiâm mơno mơjiâng tơrŭm cheăng nhŏng o, tơrŭm pơla Việt Nam – Kul tối tơdjuôm ƀă Gia Lai – Ratanakiri tối krê rế hía rế kráa rơdêi.

Kăn phŏ pơkuâ kong pơlê Ratanakiri rơhêng vâ kong pơlê Gia Lai pơtối tŏng kum tơrŭm cheăng pơla péa kong pơlê, đi đo pro tơ’lêi ăm kuăn pơlê, khu mơdró kâ péa pâ ai rôh hnê tối ăm dêi rơpó ki rơkê plĕng tung mơnhông mơdêk cheăng kâ, tê mơdró, prôk lăm, tê mơdró kế tơmeăm dêi kuăn pơlê, dêi khu mơdró kâ.