Kong pơlê Kon Tum ƀă Ratanakiri, Kul kĭ tơhrâ mơdêk tơrŭm cheăng pơla hơnăm 2023-2028
Thứ sáu, 14:26, 20/10/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Vâ mơdêk tơrŭm cheăng vâ rơtế mơnhông tơƀrê, kơxo hâi lơ 19/10, a pơlê kong kơdrâm Kon Tum, khu kăn xiâm kong pơlê Kon Tum ƀă Khu kăn xiâm kong pơlê Ratanakiri, kong têa Kul hiăng po hneăng hôp tối mâu tơdroăng cheăng kâ - rêh ối tơrêm kong pơlê, tối mâu tơdroăng cheăng pêi tung tơrŭm pơla péa kong pơlê hơnăm hdrối nah, tối tơdroăng vâ pêi tung tơrŭm cheăng la ngiâ ƀă tơhrâ tung Hlá mơ-éa hneăng Hôp tơpui tơdroăng mơdêk tơrŭm cheăng pơla 2 kong pơlê pơla hơnăm 2023-2028.
Tối tơbleăng a rôh pêi cheăng, pôa Dương Văn Trang, Ngế cheăng tung Tíu xiâm Đảng, Kăn hnê ngăn Đảng kong pơlê, Kăn hnê ngăn Hô̆i đong kong pơlê Kon Tum tối tơdroăng tơrŭm cheăng tiah hmâ ton nah pơla Việt Nam - Kul ƀă 2 kong pơlê Kon Tum - Ratanakiri ôh tá la lâi pơtê ’mâi mơnhông vâ pơtih ki tĭng, tơmeăm khoăng tơdjuôm kơnía git.
‘Na tơdroăng tơrŭm cheăng pơla 2 kong pơlê tung la ngiâ, ing tơdroăng hlê plĕng dêi rơpó, pôa Dương Văn Trang pơkâ thế, kong pơlê Ratanakiri pro tơ’lêi hlâu vâ mơngế Việt Nam ki dế rêh ối, pêi cheăng a kong pơlê Ratanakiri tơrŭm tơniăn tung rêh ối, veăng ‘no hên tâ nếo hnoăng tơná tung mơnhông dêi kong pơlê.
Viết bình luận