VOV4.XơĐăng - Vi ƀan kong pơlê Kon Tum nếo ai hlá mơ-éa hnê mơhno ăm Khu xiâm ngăn troăng prôk mơdêk rĕng tơdroăng mơjiâng pro tơdroăng tơkêa bro ‘mâi rơnêu troăng kân 24 tung kong pơlê Kon Tum. Ing mê, Vi ƀan kong pơlê Kon Tum pơkâ thế Khu xiâm ngăn troăng prôk pơkuâ, tơrŭm ƀă mâu tíu pêi cheăng ki tơdjâk troh đi đo séa ngăn, tí tăng ngăn a tíu, pơtối hnê mơhno, mơhnhôk mâu khu ‘no liăn mơjiâng pro mơhnhôk tăng tơ’nôm kơmăi kơmok, tơmeăm mơjiâng pro, mơngế pêi; xúa tung pơla kong prâi tơniăn, tơkŭm pêi tơ’nôm chôu, mơdêk kí mơdêk tơdroăng pêi vâ tơniăn tro hâi khế hiăng châ pơ’lêh ƀă ăm liăn ngân tâi tro pơkâ kơxô̆ liăn hiăng pơcháu tơniăn pêi tro tơdroăng pơkâ ƀă tro tơ-ƀrê.

Mơjiâng pro tơdroăng tơkêa pro ‘mâi rơnêu troăng kân 24 pơla troăng tơkâ luâ tơring Kon Plông

Khu xiâm ngăn troăng prôk rơxế kơtâu ai hnoăng hnê mơhno tối nhên mơhno tŭm mâu ngế pêi a ê, mơdêk séa ngăn nhên khât ƀă tơ-ƀrê tơniăn tro tiô pơkâ kih thuât dêi tơdroăng tơkêa; Séa ngăn nhên ‘na tơdroăng kơchuâ pêi tơ’noăng teăm tơdrêng ƀă ‘mâi rơnêu mâu hlá mơ-éa tơbleăng pâ thế, mâu tơdroăng tơleăng pơxâu ƀă mâu ngế, mâu khu ki mơjiâng pro ki ôh tá krá, pêi ôh tá tro tơdroăng pơkâ.

Gương tơplôu ƀă tơbleăng