Tung hơnăm hdrối mê hía nah, 2 kong pơlê hiăng tơrŭm, veăng pêi kơhnâ khât mâu tơdroăng cheăng xua Chin phuh 2 tơnêi têa tơkŭm po; mâu rôh po hneăng hôp tơdjêp, tơpui tơno tê mơdró,’no liăn cheăng. Kong pơlê Kon Tum hiăng ‘măn kơxô̆ liăn vâ hbru hnoăng liăn hnê hriâm ƀă hnê mơjiâng tuăn ngôa rơkê râ đại học ăm 15 ngế hok tro kong pơlê Champasak tơdah Têt tiô khôi hmâ Bun Pymay; kong pơlê Champasak pro tơ’lêi hlâu kơjo kum kong pơlê Kon Tum tung tơdroăng tăng rôu, tơkŭm kơxêng kiâ mâu mối đô̆i ƀă mâu ngế rơkê Việt Nam pleăng hnoăng tung rôh tơplâ nah.

Tung la ngiâ, péa kong pơlê Kon Tum ƀă Champasak pơtối mơdêk, pro tơ’lêi hlâu vâ mâu khu xiâm, kơvâ cheăng, tơring, cheăm péa pâ mơjiâng tơrŭm cheăng krá tâ nếo; môi tuăn mơnhông ôm hyô pơla péa kong pơlê; kong pơlê Kon Tum pơtối tŏng kum 10 hnoăng liăn hriâm râ đại học ƀă 5 hnoăng liăn hriâm râ trung cấp lý luận chính trị ăm kong pơlê Champasak.