Ƀă tâi tâng ƀăng tơnêi kong ki chiâng xêh ai lối 547.700 ha kong lối 61.000 ha kong ki pêt, a hên kơpong dêi kong pơlê Kon Tum  pơla kố hiăng pơxiâm vâ hlo hlá răng, tơ’lêi tro on chếo kong.  Hlo  môi tiah tơdroăng tối kơpêng mê Vi ƀan kong pơlê Kon Tum hnê mơhno mơdêk pêi mâu tơdroăng hbrâ mơdât on chếo kong.

Ing mê Vi ƀan hnê ngăn kong pơlê Kon Tum pơkâ thế mâu kăn rêm râ, mâu Kŏng an, mâu lêng, khu mơdró pêt kơxu a tơnêi kong ƀă mâu đông lêng ki pơkuâ rak kong séa ngăn, lăm tăng ngăn á tơnêi kong ƀă mâu tíu pơkuâ rak kong lăm ngăn, tí tăng séa ngăn troăng rơhlâ tơdroăng pơkâ hbrâ mơdât on chếo kong, xoăng mơngế gak ngăn, hbrâ rơxế tơmeăm vâ tơpâ on tâng lơ ai tơdroăng on chếo kong.

Klêi mê, xoăng kơxô̆ liăn ăm mâu cheăm tơring ƀă mâu kơxô̆ liăn ki tơtro ki ê vâ rak tơniăn pêi tro tơdroăng hbrâ tơpâ mơdât on chếo kong tiô troăng pơkâ “Pêi pŭn tơdroăng amê”; ‘nâi nhên mâu kơpong ki xiâm tơ’lêi tro on chếo kong tâ hbrâ xoăng mơngế lăm gak ngăn, hbrâ rơnáu tơpâ ƀă hbrâ teăm mơdât tơdrêng mâu rôh on chếo kong; tơkŭm gak plâ hâi măng, xoăng mơngế lăm gak a rơnó tô mơdrăng...