VOV4.Xơ Đăng - Tung tơdroăng po hneăng hôp tơpui ‘na tơdroăng ‘no liăn cheăng a Kơpong hngêi kơmăi kơmok ki dâi lĕm Pơlê kong kân Hồ Chí Minh, kơxo lơ 27/6, Vi ƀan hnê ngăn Pơlê kong kân Hồ Chí Minh hiăng pơcháu Pơkâ vâ pêi pro tiô troăng rơhlâ ‘no liăn cheăng a tơdroăng tơkêa bro R ƀă D - Tíu xiâm Tí tăng ‘nâi plĕng ƀă hnê ăm rơkê tâ tơdroăng pơlât đột qụy S.I.S Pơlê kong kân Hồ Chí Minh (Grup mơjiâng tơmeăm khoăng Hòa Bình) ƀă Hlá mơ-éa mơnhên ‘no liăn cheăng tơdroăng tơkêa bro dêi Kŏng ti pêi cheăng tiô rơnó Điê̆n tưh Sam Sung HCMC CE Complex.

Luâ 20 hơnăm pêi cheăng troh nôkố Khu Hngêi kơmăi ki dâi lĕm Pơlê kong kân hiăng ăm hlá mơ-éa mơnhên chêh inâi ‘no liăn mơjiâng pro 163 tơdroăng tơkêa bro ƀă tâi tâng kơxô̆ liăn ‘no pêi pro châ lối 12 rơtal dollars. Tung mê,  kơxô̆ liăn ‘no ing kong têa ê lối 10 rơtal dollars, kơxô̆ liăn tung tơnêi têa vâ chê 2 rơtal dollars.

Mâu khu mơdró ôh tá xê to pêi cheăng tơ-brê mê ối ối đi đo mơ’no tâk hên liăn, ‘no mơjiâng po rơdâ pêi cheăng a pro tơmeăm khoăng a kơpong Hngêi kơmăi ki dâi lĕm, veăng ‘no hnoăng ki kal tung pêi lo liăn tê rôe kế tơmeăm kong têa ê dêi Pơlê kong kân Hồ Chí Minh.

Gương tơplôu ƀă tơbleăng