VOV4.Xơ Đăng - Hâi lơ 6/5, a kơpong pơlê Bến Tre, Vi ƀan pơlê pơla dêi Kuô̆k hô̆i tơrŭm ƀă Khu kăn Kuô̆k hô̆i kong pơlê Bến Tre tơkŭm po hneăng hôp tơpui tơdroăng tŏng kum ăm mâu ngế pêi cheăng, mâu ngế ki xúa mơngế pêi cheăng a kơpong peăng Hdroh tơnêi têa dế trâm xơpá xua pơreăng kân COVID-19. Ƀă kơpong peăng Hdroh tơnêi têa, hiăng ai lối 2,5 rơtuh ngế ai hnoăng kăch măng, rơpŏng kơtiê, rơpŏng vâ chê kơtiê châ tŏng kum ƀă tâi tâng kơxô̆ liăn lối 2.660 rơtal liăn.

Hơnăm nah, xua pơreăng tâ tú rĕng, mâu kong pơlê kơpong peăng Hdroh ai tâi tâng kơxô̆ liăn kum ăm mâu ngế ki xơpá, châ 78,4% tâng vâ pơchông ƀă kơxô̆ liăn tŏng kum tung lâp tơnêi têa. Tối tơbleăng a hneăng hôp, mâu kăn tối tiah kố, mâu luât pơkâ xua Chin phuh pơkâ teăm tơdrêng, pêi pro tro tơdroăng rêh ối tung pơla pơreăng COVID-19 tâ tú rơ-iô, hiăng veăng kum kơdroh xơpá ăm kuăn pơlê, khu mơdró malối tung rôh pơreăng tâ tú ki má 4.

Mâu kong pơlê kơpong peăng Hdroh tơnêi têa mơ-eăm tâi khế 8 hơnăm kố tơleăng mơnhên klêi mâu hồ sơ ki u ối; pơtối pơkâ luât tŏng kum, mâu tơdroăng  kal kơjo kum kuăn pơlê ki trâm xơpá.

Gương tơplôu [ă tơbleăng