Po tung 3 hâi, a rôh hôp mê, Vi ƀan pơkuâ cheăng Kuô̆k hô̆i kô séa ngăn, ăm veăng hnê tối hên tơdroăng ki kal. ‘Na tơdroăng mơjiâng luât, a hneăng hôp má 28, Vi ƀan pơkuâ cheăng Kuô̆k hô̆i  ăm hnê tối ‘na tơdroăng tơkêa luât kơxô̆ liăn ‘no sap apoăng; séa ngăn, tơbleăng tơdroăng chêh tung hlá mơ-éa  pơkâ ‘na tơdroăng cheăng tối tơbleăng a rôh hôp Hô̆i đong Kuăn ngo, Vi ƀan Kuô̆k hô̆i; séa ngăn pơkâ thế tơ’nôm mâu tơdroăng luât a tơdroăng mơjiâng Luât, luât pơkâ hơnăm 2024...

‘Na tơdroăng séa ngăn, Vi ƀan pơkuâ Kuô̆k hô̆i séa ngăn tối tơbleăng  tơdroăng cheăng pêi dêi Kuô̆k hô̆i khế 10 ƀă khế 11/2023; pakĭng mê, Vi ƀan pơkuâ cheăng Kuô̆k hô̆i séa ngăn 2 tơdroăng: xing xoăng, ‘mâi rơnêu, ‘mâi hơ’lêh pơkâ ‘no liăn ngân xiâm tơnêi têa hơnăm 2023 pơla mâu khu xiâm, kơ koan tơdâng khu xiâm ƀă kong pơlê; tơdroăng pơcháu pơkâ liăn ăm tơdroăng ‘mâi mơnhông cheăng kâ - rêh ối,  ‘mâi hơ’lêh , tơ’nôm Pơkâ ‘no liăn cheăng ăm tơnêi têa ki pêi ton hơnăm liăn ngân xiâm tơnêi têa pơla hơnăm 2021-2025 dêi khu xiâm, kơ koan xiâm ƀă kong pơlê.