Troh nôkố, tơring Krông Pač hiăng xo ƀă pơcháu ăm mâu tíu pêi cheăng ki bro troăng prôk 161 ha, tơ’mô ƀă 76%, ƀăng tơnêi hiăng pơcháu kân má môi tâng pơchông ƀă mâu tơring ki u ối ai troăng prôk tơkâ luâ.

Jâ Ngô Thị Minh Trinh, kăn phŏ hnê ngăn Vi ƀan tơring Krông Pač ăm ‘nâi, vâ rak tơniăn tơdroăng pơcháu tơnêi tro pơkâ, tung la ngiâ, Vi ƀan hnê ngăn tơring hiăng tơkŭm hnê mơhno mâu ƀơrô cheăng, khu râ pơkuâ, cheăm ai tơnêi tung kơpong tơdroăng tơkêa bro troăng athế mơdêk rĕng tơdroăng ki xo gu tơnêi, rak tơniăn tro tơdroăng pơkâ, hlá mơ-éa, tơdroăng tŏng kum chêl thiăn tiô pơkâ dêi luât, pôi tá ăm ai tơdroăng kuăn pơlê săm tối săm tơkêng.

Tơdroăng tơkêa troăng prôk Khánh Hòa - Ƀuôn Ma Thuột tơkâ luâ péa kong pơlê Dak Lak ƀă Khánh Hòa, tâi tâng ki xŏn tâi tâng troăng lối 117 km, tung mê, troăng ki tơkâ luâ kong pơlê Dak Lak xŏn vâ châ 85km, tơkâ luâ mâu tơring MDrak, Krông Bông, Ea Kar, Čư̆ Kuiñ ƀă Krông Pač.