VOV4.Xơ Đăng - Tiô tơdroăng ăm ‘nâi ing tíu pêi cheăng teăng mâ Đạn Mạch, Kuăn kơnốu pơtáu ƀă Apía Đan Mạch kô pơkuâ djâ khu Mơdró kâ Đan Mạch lăm pôu Việt Nam ing hâi lơ 1 troh lơ 12/11/2022. Hneăng lăm pôu rôh kố cho môi pâ tung tơdroăng po leh tơbâ 50 hơnăm hâi mơjiâng tơrŭm tơpui kâ pơla Đan Mạch ƀă Việt Nam. Hneăng lăm pôu mơdêk tơrŭm cheăng pơla Việt Nam ƀă Đan Mạch tung tơdroăng pro on tơhrik kơtâu ƀă khiá ƀă xúa on tơhrik tơ-brê.

Xuân tung hneăng lăm pôu mê, kuăn kơnốu dêi pơtáu ƀă Apía rơtế ƀă mâu khu mơdró dêi Đan Mạch kô trâm mâu kăn xiâm tơnêi têa ƀă Chin phuh Việt Nam, mâu khu mơdró, xuân veăng hôp tơpui tơno ‘na hneăng lăm pôu  pơ’lêh ngiât lĕm ƀă pôu ngăn mâu tơdroăng tơkêa mơjiâng bro on tơhrik.

Gương tơplôu ƀă tơbleăng