VOV4.Xơ Đăng - Kơ’nâi 19 hâi pêi cheăng ƀă tơdroăng ai hnoăng pêi, kơxê lơ 16/6 rôh hôp má 3 Kuô̆k hô̆i hneăng 15 hiăng pê klêi tơdroăng dêi rôh hôp ƀă po hôp mơgêi. Hdrối mê, Kăn xiâm hnê ngăn Kuô̆k hô̆i Vương Đình Huệ tối tơbleăng a rôh mơgêi hôp tơpui tơno má 3 dêi Kuô̆k hô̆i hneăng 15, mâu kăn têk kŏng tiâ vâ tơbleăng tơdroăng hiăng klêi séa ngăn tơdroăng kal “pêi pro tiô luât pơkâ tŏng kum, luât ‘na tơdroăng cheăng pơkâ riân ing Luât pơkâ hlối ki xêt khât’’.

Kuô̆k hô̆i hôp mơgêi rôh hôp má 3,  Kuô̆k hô̆i  hneăng 15

Tơdroăng pơkâ kơ-êng ƀă tiâ rơkong kơ-êng. Kuô̆k hô̆i xuân hiăng têk kŏng tiâ vâ tơbleăng a rôh hôp má 3, Kuô̆k hô̆i hneăng 15, tung mê, ai tơdroăng pro ton hâi khế pơkâ xúa mâu pơkâ kơxô̆ 42/2017 dêi Kuô̆k hô̆i ‘na mơnúa tơ chěn ki ôh tá kâi tơvêh dêi khu mung liăn; tơdroăng mê ai tơdjâk troh tơdroăng tơkêa bro troăng kân Hồ Chí Minh ƀă pơtroh liăn mung ăm mung nếo, veăng kum dêi Chin phuh chiâng ăm liăn ngân tơnêi têa ƀă mâu tơdroăng kal ki ê dêi tơnêi têa.

Gương tơplôu ƀă tơbleăng