Hdrối mơgêi, Kuô̆k hô̆i tơbleăng tơbleăng ăm pêi pro 4 Pơkâ ki kal, tung mê ai Pơkâ ‘na kơ-êng ƀă tiâ rơkong kơ-êng ƀă Pơkâ Hneăng hôp má 6, Kuô̆k hô̆i hneăng má 15. Tung kơxê hnah, tơpui tơno a hngêi hôp kân ‘na tơdroăng tơkêa bro Luât Kơmăi kơmok cheăng lêng, gâk kring ƀă mơhnhôk pêi cheăng xúa kơmăi kơmok, mâu kăn teăng mâ pơkâ thế: mơjiâng ƀă mơnhông kơmăi kơmok cheăng lêng, gâk kring ƀă mơhnhôk kơmăi kơmok tiô troăng: mơ-eăm xêh, mơ-eăm rơdêi, ai hên pơxúa, tiô rơxông nếo, tơdjêp krá tơniăn ƀă kơmăi kơmok kuăn pơlê rêh ối, chiâng ki xiâm dêi kơmăi kơmok tơnêi têa.

Xuân tung kơxê hnah, Kuô̆k hô̆i hiăng tơbleăng ăm pêi pro Pơkâ mơnúa mâu troăng pơkâ pêi, troăng hơlâ ki phá tơ-ê ‘na mơ’no liăn cheăng mơjiâng tơmeăm troăng klông ƀă khu ki veăng gâk kring, tơniăn a pơlê pơla.