VOV4.Xơ Đăng - Pơtối tơdroăng pêi cheăng a rôh hôp má 3, hâi kố lơ 9/6, Kuô̆k hô̆i kơ-êng ƀă tiâ tơdroăng kơ êng. Kơxo kố, jâ Nguyễn Thị Hồng, Ngế xiâm pơkuâ ‘na liăn ngân tơnêi têa Việt Nam pơtối tiâ tơdroăng kơ-êng a ngiâ Kuô̆k hô̆i. Pơtối mê, pôa Nguyễn Văn Thể, Ngế xiâm pơkuâ ngăn troăng prôk rơxế kơtâu ƀă pôa Phạm Bình Minh, Ngế pro xiâm phŏ hnê ngăn tơnêi têa tiâ rơkong kơ-êng a ngiâ Kuô̆k hô̆i.

Mâu tơdroăng kal châ pôa Nguyễn Văn Thể tiâ mơnhên tung rôh kơ-êng hâi kố mê cho ‘na tơdroăng: ki rĕng pro, pro rĕng kêi lơ ôh mâu tơmeăm khoăng  tơnêi têa, ki tơ-brê dêi tơmeăm khoăng ƀă tơdroăng hbrâ mơdât ki tro lŭp, mơ’nhiê liăn tê kơtê tung tơbleăng pêi mâu tơdroăng tơkêa bro, ‘na rak troăng prôk cho tơmeăm khoăng mơjiâng pro ki xiâm tơnêi têa, troăng kân ki tơdrăng lĕm.

Tơdroăng cheăng séa ngăn, lăm ngăn tơmeăm khoăng ki mơjiâng pro, vâ ‘nâi hôm krá kâk mâu troăng prôk ki châ ‘no liăn ing liăn ngân tơnêi têa.  Vâ ‘nâi tơdroăng ki pá ƀă ‘na tơleăng mơnhên mâu tơdroăng ki u ối tơvâ tơvân tung tơdroăng ‘no liăn mơjiâng pro tơmeăm khoăng, tí tăng, mơdró mâu tơdroăng tơkêa bro ‘na pro troăng prôk tiô tơdroăng BOT.

A rôh kơ-êng, mâu kăn Kuô̆k hô̆i, mâu ngế rơkê ƀă kuăn pơlê tơngah mâu troăng rơhlâ kô pêi châ tơ-brê ki Ngế xiâm ngăn troăng prôk nếo tối mê kô tơngah kô rĕng mơdêk tơdroăng mơjiâng pro rĕng klêi mâu tơmeăm khoăng ki xiâm dêi tơnêi têa.

Gương tơplôu ƀă tơbleăng