VOV4.Xơ Đăng - Hâi lơ 1/6, Kuô̆k hô̆i hiăng hôp a hngêi hôp kân, tơkŭm tơpui tơdroăng ‘na tơ’nôm tơdroăng pêi pro pơkâ mơnhông cheăng kâ-rêh ối ƀă liăn ngân tơnêi têa. Mâu kăn khĕn kơdeăn hnoăng pêi pro tơ-brê tung hbrâ mơdât pơreăng COVID-19. Laga, hên mâu kăn tối “tô tuăn ôh tá iâ” drêng “ai liăn la ôh tá châ xo”. Pakĭng mê, pâ thế Chin phuh tơmâng khât tơdroăng pơkuâ yă têa châu têa kơxăng ƀă yă kế kâ.

Ki hdrối pêi pro’na tơniăn cheăng kâ kân, kâi mơdât liăn ôh tá kơnâ yă, pro tơniăn tung rêh ối pơlê pơla. Mâu kăn hiăng tơbleăng hên troăng rơhlâ vâ mơnhông cheăng kâ tung la ngiâ vâ pơkâ cheăng kâ tơnêi têa pin tâk 6-6,5%, mơdât liăn ôh tá kơnâ yă 4% tung hơnăm kố. Tung mê, pơkâ Chin phuh kal mơjiâng troăng rơhlâ tơdâng, ing iâ khế, hên khế, troh ton hơnăm ƀă, hmâ ƀă tơdroăng pêi pro; malối kal tơmâng khât troh kơvâ pêi chiâk, môi kơvâ ki rak hnoăng cheăng ki kal kum tung pơla tơnêi têa trâm hên xơpá.

Gương tơplôu ƀă tơbleăng