Hâi lơ 27/11, xua tơdroăng ki pơkuâ po dêi kăn xiâm hnê ngăn Kuô̆k hô̆i Vương Đình Huệ, Kuô̆k hô̆i po rôh tơpui tơno a hngêi hôp kân ‘na kơxop hlá mơ-éa Luât Pơlê kong xiâm ki ‘mâi hơ’lêh ƀă mâu hlá mơéa pơchuât tơbleăng dêi Chin phuh ‘na; Mơgêi tíu pơkâ tơkŭm po túa pơkâ khu kăn pơkuâ kơphô̆ a pơlê kong kân Hà Nội, Pơlê kong kân Đà Nẵng ƀă klêi kơ’nâi 03 hơnăm pêi pro mơjiâng khu pơkuâ ngăn kơphô̆ a Pơlê kong kân Hồ Chí Minh.

Ki hên mâu kăn môi tuăn rơnêu Luât Pơlê kong xiâm vâ pro hơ’lêh Pơkâ 15 dêi Khu xiâm pơkuâ tơdroăng kal kí ‘na túa pơkâ, hnoăng cheăng mơjiâng pơlê kong xiâm Hà Nội troh hơnăm 2030, troăng ngăn troh hơnăm 2045. Mâu kăn tối tiah kố, kơxop hlá mơ-éa Luât Pơlê kong xiâm ki ‘mâi hơ’lêh cho hơ’lêh chía vâ tơdâng tâi, tŭm ki hên mâu kơvâ cheăng, ôh tá xê to troăng hơlâ kum, troăng hơlâ pơkâ kum ki kal tung mâu kơvâ cheăng, môi tiah pơkâ ‘na mơjiâng khu kăn pơkuâ, tơdroăng ki xoăng hnoăng ăm khu kăn pơkuâ tơring cheăm a Pơlê kong xiâm, xuân môi tiah tơdroăng ki tơrŭm, mơjiâng kơpong Pơlê kong xiâm.