Hâi lơ 6/1, Kuô̆k hô̆i pơtối pêi cheăng tiô tơdroăng hneăng hôp ôh tá tối hdrối má 2. Kuô̆k hô̆i tơpui tơno a tôh ‘na tơdroăng xiâm: Pơkâ tơdroăng cheăng tâi tâng tơnêi têa hneăng hơnăm 2021 – 2030, tơmiât pêi troh hơnăm 2050; Mơnhên tơdroăng pêi pro pơkâ a Pơkâ kơxô̆ 30, Kuô̆k hô̆i hneăng má 15 ‘na mâu troăng hơlâ hbrâ, mơdât pơreăng COVID-19; Pơkâ tơdroăng xiâm pêi pro tung pơkâ dêi Kuô̆k hô̆i ‘na tơdroăng pơtối pêi pro mâu troăng hơlâ tiô Pơkâ kơxô̆ 30 ‘na troăng hơlâ hbrâ, mơdât pơreăng COVID-19 ƀă ăm phêp pơtối xúa mơ-éa kĭ ăm tê pơkeăng, tơmeăm vâ pro pơkeăng tâi hâi khế ki xêt khât sap hâi lơ 1/1/2023 mê tá hâi teăm pơkâ hâi khế má mơ’nui tiô pơkâ dêi Luât pơkeăng.

Rơtế hâi ki mê, Kuô̆k hô̆i tơpui tơno a hngêi hôp kân ‘na mâu tơdroăng xiâm ƀă tơpui tơno phá tơ-ê dêi pó dêi tơdroăng tơkêa bro Luât khăm pơlât (‘mâi rơnêu).