VOV4.Xơ Đăng - Pơtối tơdroăng hneăng hôp má 3, kơxo lơ 30/5, tơpui tơno a hngêi hôp kân ‘na tơdroăng pêi pro troăng hơlâ, luât ‘na tơdroăng pơkâ pêi drêng Luât pơkâ pêi xêt khât ăm pêi pro, mâu kăn teăng mâ hiăng mơhno nhên mâu tơdroăng ối tơvâ tung séa ngăn pơkâ pêi , chiâng u ối 104 pơkâ pêi tá hâi kêi đeăng, kĭ ăm pêi pro, tơdjâk troh mơnhông mơdêk cheăng kâ – rêh ối pơlê pơla. Tiô mâu kăn teăng mâ, Luât mơjiâng pơkâ pêi tơdroăng tơkêa bro pơkâ pêi thế châ tơbleăng tung trang thông tin điê̆n tưh dêi kơ koan pro pơkâ pêi.

Laga, ki nhên khât tơdroăng tơbleăng tơdrăng tơdroăng pơkâ pêi ối pro vâ ai tê, ki má lối pơkâ pêi mơjiâng pro tơmeăm, pơkâ pêi tơnêi. Hên rơkong tơpui tối kăn teăng mâ pơkâ thế Kuô̆k hô̆i tơbleăng Pơkâ séa ngăn tơdroăng pêi pro troăng hơlâ, luât ‘na pơkâ pêi ƀă mâu troăng vâ tah lôi pá puât, tơvâ tơvân, mơdêk ki dâi lĕm ƀă thăm rĕng pêi pro pơkâ pêi, luât pơxâu nhên ƀă mâu ngế ki hrá lơ ôh tá tơbleăng tơdroăng pơkâ pêi.

A Sa Ly tơplôu ƀă tơbleăng