VOV4.Xơ Đăng - Pơtối tơdroăng hneăng hôp má 3, Kuô̆k hô̆i hneăng má 15; kơxo lơ 3/6, tơpui tơno a hngêi hôp kân ‘na tơdroăng tơkêa bro Pơkâ ‘na mơnúa túa pêi tơkŭm po tơdroăng pêi cheăng, hnê tăng cheăng pêi ăm mâu ngế xôi pakong hngêi kroăng phâk, mâu kăn teăng mâ tối Pơkâ cho troăng ki kal kum ăm mâu ngế xôi ai tơdroăng cheăng krá tơniăn, tơ’lêi ti tăng tơdroăng cheăng klêi kơ’nâi hiăng lo hngêi phâk, vâ ai ‘’troăng vêh a hngêi dêi mâu ngế hiăng vêh ing phâk ‘nâng ‘nâi iâ’’, kum mâu ngế pro xôi hiăng vêh lĕm tơ’lêi hlâu tâ drêng vêh po troăng dêi tơdroăng rêh ối dêi tơná.

Mâu kăn teăng mâ pơkâ thế Chin phuh pơkâ nhên troăng pơkâ pêi, troăng rah xo mơngế xôi châ djâ a kơpong pêi cheăng, hnê cheăng pêi pakong hngêi kroăng phâk vâ tơniăn tơdroăng ki ƀeăn ƀĕng ƀă tơtro ƀă tơdroăng nôkố a rêm hngêi kroăng phâk. Peăng kơxê, mâu kăn teăng mâ Kuô̆k hô̆i tơpui tơno a tôh ‘na Tơdroăng tơkêa bro Luât ‘mâi rơnêu tơ’nôm mâu troăng dêi Luât kơlo kơxô̆ hyôh rợjíu ƀă tơdroăng tơkêa bro Luât têa châu têa kơxăng (‘mâi rơnêu).

A Sa Ly tơplôu ƀă tơbleăng