VOV4.Xơ Đăng - Tiô tơdroăng roh hôp má 3, Kuô̆k hô̆i hneăng 15, hâi lơ 31/5 Kuô̆k hô̆i pêi cheăng a hngêi hôp kân ƀă a tôh tơpui tơno mâu tơdroăng tơkêa luât ki kal. Tung hneăng hôp a kơxo, Kuô̆k hô̆i kô tơmâng ngế cheăng tung Vi ƀan pơkuâ Kuô̆k hô̆i, ngế pơkuâ Vi ƀan luât dêi Kuô̆k hô̆i Hoàng Thanh Tùng tơbleăng nhên, tơmâng xo , ‘mâi rơnêu tơdroăng cheăng ‘na Luât mâi hơ’lêh tơ’nôm mâu tơdroăng Luât xúa tuăn ngôa rơkê.

Pơtối mê, Kuô̆k hô̆i tơpui tơno a hngêi hôp kân ‘na mâu tơdroăng ki kal vâ hnê tối pơrá phá dêi tơdroăng tơkêa Luât ‘mâi hơ’lêh, tơ’nôm a mâu tơdroăng Luât xúa tuăn ngôa rơkê. Klêi mê, kơ koan pơtroh ăm kơ koan râ pá pêng ki pơkuâ séa ngăn tơrŭm tơbleăng tối nhên mâu tơdroăng ‘na mâu kăn Kuô̆k hô̆i ai tối.

Tung rôh hôp a peăng xêi, Kuô̆k hô̆i tơpui tơno a tôh ‘na Luât hbrâ rơnáu, mơdât tơpâm tơxiăn tung rơpŏng hngêi (‘mâi hơ’lêh) ƀă tơdroăng tơkêa Luât  pêi pro tro tuăn kuăn pơlê a pơlê cheăm bêng.

Gương tơplôu ƀă tơbleăng