Tơpui a rôh pơxiâm po rôh kơ-êng, pôa Vương Đình Huệ, Kăn xiâm hnê ngăn Kuô̆k hô̆i tối nhên: ing tơdroăng cheăng ki séa ngăn kố, Kuô̆k hô̆i kô ‘nâi nhên tơdroăng, tơdroăng pơkâ pêi ƀă klêi kơ’nâi pêi pro mâu tơdroăng pơkâ dêi Kuô̆k hô̆i, tơdroăng ki pêi pro mâu “rơkong tơhrâ”, tơdroăng tơkêa dêi Chin phuh, mâu kăn xiâm pơkuâ kơvâ cheăng.

Tơdroăng ki vêh séa ngăn, tơtrŏng séa ngăn mâu tơdroăng ki klêi kơ’nâi séa ngăn troh rêm tơdroăng hiăng châ séa ngăn, êng vâ kum Chin phuh, mâu khu xiâm, kơvâ cheăng ai rôh tơ’lêi vâ tối tơbleăng ăm Kuô̆k hô̆i, kuăn pơlê ‘na mâu tơdroăng ki tơná hiăng pro, mơdêk hiâm mơno pôu râng hnoăng cheăng, pơkâ tơleăng tro tơdrăng, troh tui lui mâu tơdroăng Kuô̆k hô̆i hiăng pơkâ mơ’no.

Kăn xiâm hnê ngăn Kuô̆k hô̆i pơkâ thế mâu kăn Kuô̆k hô̆i mơdêk hiâm mơno chêh bro, pôu râng dêi hnoăng cheăng, pêi pro nhên troh tui lui tơdroăng ki pêi pro pâ thế ‘na mâu tơdroăng ki hiăng châ séa ngăn, kơ-êng.