VOV4. Xơ Đăng - Hâi lơ 16/6, hâi pêi cheăng má mơ’nui dêi rôh hôp má 3, Kuô̆k hô̆i hneăng 15, Kuô̆k hô̆i têk kŏng tối tơbleăng 10 tơdroăng pơkâ ƀă 2 luât. Peăng kơxê, Kuô̆k hô̆i hôp mơgêi. 10 tơdroăng pơkâ ƀă 2 luât châ Kuô̆k hô̆i têk kŏng tơbleăng, mê cho: Tơdroăng pơkâ ‘na mơnúa tơkŭm po tơdroăng cheăng, hnê tối, hnê cheăng pêi ăm mâu ngế ki kroăng phak pa kong hngêi phâk; Tơdroăng pơkâ mơnúa pêi pro mâu luât pơkâ, luât tŏng kum mơnhông kong pơlê Khánh Hòa, tơdroăng pơkâ ‘na troăng rơhlâ ‘no liăn cheăng tơdroăng tơkêa pro troăng pakĭng 4 kơpong pơlê kong xiâm Hà Nội; Tơdroăng pơkâ ‘na Troăng rơhlâ ‘no liăn pêi tơdroăng tơkêa bro troăng pa kĭng 3 Pơlê kong kân Hồ Chí Minh; Pơkâ ‘na troăng rơhlâ tŏng kum tơdroăng tơkêa bro mơjiâng troăng kân tơdrăng lĕm sap Khánh Hòa - Buôn Ma Thuột (pơla roh má 1); Pơkâ ‘na troăng rơhlâ ‘no liăn cheăng pêi tơdroăng tơkêa bro mơjiâng troăng prôk tơdrăng lĕm sap Biên Hòa troh Vũng Tàu (rôh má 1); Pơkâ ‘na troăng rơhlâ ‘no liăn mơjiâng pro tơdroăng tơkêa bro troăng kân sap Châu Đốc - Cần Thơ- Sóc Trăng (rôh má 1); Tơdroăng pơkâ ‘na tơdroăng séa ngăn ‘na ‘’ pêi  pro tiô luât pơkâ, luât ‘na tơdroăng pơkâ riân ing Luât pơkâ pêi ki xêt khât”; Tơdroăng pơkâ ‘na kơ-êng ƀă tiâ tơdroăng kơ êng; Tơdroăng pơkâ a rôh hôp má 3, Kuô̆k hô̆i  hneăng 15; Luât ‘mâi hơ’lêh, tơ’nôm mâu tơdroăng luât xúa tuăn ngôa rơkê ƀă luât tê mơdró ƀaoh hiêm (‘mâi hơ’lêh).

Gương tơplôu ƀă tơbleăng