VOV4.Xơ Đăng - Pơtối tơdroăng rôh hôp má 3, kơxo lơ 14/6, Kuôk hô̆i hiăng tơbleăng Luât kăn sát cơ động ƀă tơdroăng pơkâ ‘na mơjiâng khu séa ngăn tơdroăng dêi Kuô̆k hô̆i hơnăm 2023. Ƀă 91,16%  kơxô̆ phĭu mâu kăn Kuô̆k hô̆i ai mâ vâ môi tuăn, Kuô̆k hô̆i  hiăng tơbleăng Luât Kăn sát cơ đô̆ng. Luât mê ai 5 chương, 33 tơdroăng, pơkâ: Kăn sát cơ động cho mâu lêng kuăn pơlê cho tung Kŏng an  kuăn pơlê Việt Nam, cho mâu lêng ki xiâm pêi hnoăng cheăng kring tơniăn tơnêi têa, tơniăn pơlê pơla.

Luât pơkâ mâu tơdroăng pêi pro mơdât, tung mê ai mơdât tơtrâ, mơdât tơdroăng cheăng dêi kăn sát cơ động. Mơdât rôe, kơtôa ăm liăn ki lơ pêi pro tơdroăng pơklât thế kăn ƀô̆, mâu lêng kăn sát cơ đô̆ng pro ôh tá tro hnoăng pơkâ, hnoăng cheăng pêi châ pơcháu. Luât xuân pơkâ kăn ƀô̆, mâu lêng Kăn sát cơ đŏng nhoăm hnoăng kring vế, ki pơxúa tro luât dêi kơ koan, khu tơrŭm cheăng, mâu ngế, tơrŭm krá ƀă kuăn pơlê, nhoăm, ai luât phêp, kơhnâ pêi cheăng xúa kuăn pơlê. Khên tơnôu, hbrâ rơnáu, hbrâ vâ tơplâ, pê klêi tŭm tơdroăng cheăng ki hiăng châ pơcháu.

Gương tơplôu ƀă tơbleăng