VOV4.Xơ Đăng - Pơtối dêi tơdroăng hneăng hôp má 3, hâi lơ 3/6, mâu kăn Kuô̆k hô̆i tơpui tơno a tôh ‘na tơdroăng Tơkêa Têa châu têa kơxăng ki ‘mâi hơ’lêh. Tơdroăng tơkêa Luât têa châu têa kơxăng ki ‘mâi hơ’lêh cho vâ pơkâ tơleăng 6 khu tơdroăng tung mê ai: mâu tơdroăng pơkâ ki ai tơdjâk troh tơkêa têa châu têa kơxăng; ‘na séa ngăn mâu tơdroăng ki kal, kĭ pơkâ tơdroăng tơkêa têa châu têa kơxăng mê cho mâu hneăng ki tí tăng ‘nâi ƀă chiâ hrik têa châu têa kơxăng; pơkâ tơdroăng ăm tơdroăng ki pêi pro tơkêa têa châu têa kơxăng tiô troăng sap ing tí tăng ‘nâi, chiâ hrik, pơto chơ, kơhleăng chuâ; tơdrêng amê hlối kơjo kum ‘no liăn cheăng ƀă tơdroăng tơkêa têa châu têa kơxăng tiô lô têa châu têa kơxăng ing tơdroăng tơkêa têa châu têa kơxăng.

Tơdroăng ki nếo tung tơkêa luât mê cho troăng hơlâ kơjo kum ‘na nâp hnoăng liăn mơhá pêi lo liăn khu mơdró kâ 25% ƀă kơlo xo tơvêh kơxô̆ liăn ki hên cho 80% xúa ƀă lô têa châu têa kơxăng châ xúa troăng hơlâ kơjo kum ‘no liăn ki tơviah. Ƀă mâu khu troăng hơlâ châ mơ’no tối a rôh ki ‘mâi hơ’lêh kố châ loi tơngah kô mơdêk rĕng ƀă tơdroăng cheăng tí tăng ‘nâi, vâ tăng lo mâu tíu ‘măn rak ki nếo vâ chiâ hrik têa châu têa kơxăng, tơdrêng amê hlối pơkâ tơleăng tơdroăng ki ôh tá mơhúa tung hnoăng cheăng tí tăng ‘nâi chiâ hrik têa châu têa kơxăng.

Katarina Nga tơplôu ƀă tơbleăng