Hâi  lơ 24/11, Kuô̆k hô̆i kô têk kŏng tiâ vâ tơbleăng Luât Viễn thông cho luât ‘na hyôh phôn rơ’jíu ki ‘mâi hơ’lêh hlối tơpui a hngêi hôp ‘na tơdroăng tơkêa Luât Troăng prôk. Peăng kơxêi, Kuô̆k hô̆i têk kŏng tiâ vâ tơblăng Luât Rak ngăn, kring vế tơmeăm khoăng lêng ƀă kơpong lêng, klêi mê kô tơpui a hngêi hôp ‘na tơdroăng tơkêa Luât pro Tơniăn, tơniăn troăng prôk.

Peăng kơxêi hâi lơ 23/11, tơpui tơno a hngêi hôp kân ‘na mâu tơdroăng kal ki ai tơpui pơrá phá dêi rơpó tung hlá mơ-éa Luât Mâu khu tơrŭm ki ăm mung liăn (‘mâi hơ’lêh), hên mâu kăn Kuô̆k hô̆i tối kố cho tơdroăng tơkêa Luât ki pá ‘nâng, hên tơdroăng tơvâ tơvân, ai tơdroăng ki ôh tá khoh tơpui, tơdjâ troh tơdroăng rak tơniăn ‘na liăn ngân tơnêi têa, tơniăn ‘na tơdroăng cheăng mâu khu tơrŭm cheăng ki ăm mung liăn, tơdjâk  trâu rơdâ troh tơdroăng cheăng kâ - rêh ối.

Tơdroăng chêh tung hlá mơ-éa luât rôh kố hâi chêh tối mâu tơdroăng pơkâ vâ tơleăng mơnhên klêi troh xiâm mâu tơdroăng ki ăm mung liăn tơvêh rơkâ hên; mâu troăng rơhlâ pêi pro vâ mơdât mâu ki ai tuăn ‘mêi hriăn pro tơdroăng pơxúa ăm dêi tơná, pro ăm chiâng xêk xêng tơvâ tơvân tung tơdroăng ‘na liăn ngân dêi hngêi rak liăn.