VOV4.Xơ Đăng - Ing hơnăm 2018 troh nôkố, kơ koan khu râ pơkuâ cheăng kong pơlê Lâm Đồng châ hlo ƀă pro hlá mơ-éa pơxâu phâk lối 1 rơpâu ngế ki ko ‘nhiê kong, ƀă tâi tâng tơnêi kong tro ko’nhiê mê lối 223 ha. Krê tơdế hơnăm 2022, ai 80 hdrôh, tơnêi kong tro ko ‘nhiê vâ chê 30% tâng vâ pơchông ƀă hơnăm 2021. Tiô Khu xiâm ngăn ‘na chiâk deăng ƀă mơnhông thôn pơlê kong pơlê Lâm Đồng tối, ki hên kong tro hía mê cho a tơnêi kong ki pơcháu ăm mâu khu mơdró rak ngăn la ôh tá tơbleăng pêi tơdroăng tơkêa bro, lơ tơbleăng la tơbleăng pêi hrá, ôh tá ăm mâu ngế rak ngăn.

Môi rôh ko ‘nhiê kong ki hên nếo châ hlo a Đà Lạt, Lâm Đồng

Kong pơlê hiăng kơnhing xo tơvêh 208 tơdroăng tơkêa bro dêi mâu khu mơdró ƀă tâi tâng tơnêi lối 30 rơpâu ha. Pakĭng mê, tí tăng ‘nâi plĕng, xúa kơmăi kơmok ki nếo tung rak ngăn, mơdêk tơ-brê tơdroăng rak ngăn kong  dêi mâu khu mơdró tung kong pơlê.

Pôa Ngô Văn Ninh, Ngế cheăng tung ƀơrô, Ngế tơpui kâ dêi Vi ƀan kong pơlê Lâm Đồng ăm ‘nâi, kong pơlê dế xúa pêi tơdrêng tâi tâng mâu troăng rơhlâ rơdêi, kơtăng vâ rak ngăn kong.

Gương tơplôu ƀă tơbleăng