Troăng kân châ pro lĕm, po rơdâ văng Prenn Đà Lạt cho troăng kân râ III kong ngo, xŏn 7,4km, troăng kân ai 4 hơlâ troăng rơxế, troăng kân rơdâ 15,5 met ƀă rơgâ troăng 14,5m, kân rơdâ tâ péa xôh tâng pơchông ƀă hdrối. Tơdroăng tơkêa bro ai tâi tâng kơxô̆ liăn mơ’no lối 550 rơtal liăn ing kơxô̆ liăn ngân dêi kong pơlê, xua Khu pơkuâ troăng kân kong pơlê Lâm Đồng pơkuâ mơ’no liăn pro, Grup pơkuâ Đèo Cả cho khu ki châ rah xo pro.

Nôkố khu ki mơjiâng pro mơhnhôk hrĭng ngế rơtế hên rơxế, kơmăi kơmok, tơkŭm pêi đi đo 3 hdroh 1 hâi măng vâ rĕng kêi đeăng. Mơ-eăm pêi kêi đeăng, ăm rơxế kơtâu a troăng kal kố a hdrối hâi lơ 28/12, teăm tơdrêng ăm tơdroăng prôk lăm dêi kuăn pơlê ƀă tơmối ôm hyô tung roh Têt Yương lĭch 2024.