Nôkố Đà Lạt ai lối 2.900 ha hngêi nhĕng pro tung hên a 10 to bêng pa kĭng kơphô̆, châ lối 60% tơnêi pêt kơchâi, reăng dêi pơlê kong kơdrâm. Hlo ti mê, kong pơlê Lâm Đồng hiăng ai tơdroăng tơkêa bro xĕn tah mau hngêi nhĕng ki pêt kơchâi reăng lo ing kĭng pơlê kong kơdrâm Đà Lạt.

Tung mê, tơdroăng pơkâ troh hơnăm 2025 kơdroh 20% deăng pêt ƀă troh hơnăm 2050 ah kô ôh pá ai xếo hngêi nhĕng pakĭng tung pơlê kong kơdrâm Đà Lạt. Vâ pêi tơdroăng kố kal ai liăn hên châ 4 rơpâu 820 rơtal liăn vâ xĕn tah, veăng kum pơ’lêh hdrê kơchâi plâi reăng ki pêt a tung hngêi nhĕng chiâng pêt pá gong nếo.

Xua mê, Khu xiâm ngăn ‘na Chiâk deăng ƀă Mơnhông thôn pơlê thế Lâm Đồng pâ Hngêi rak liăn Tơnêi têa Việt Nam a kong pơlê Lam Đồng tăng ‘nâi plĕng, xúa tơdroăng ăm mung ki mơhnhôk mơnhông pêi chiâk xúa kơmăi ki dâi lĕm, pêt loăng plâi  krúa  vâ pê lo tơmeăm tê mơdró pro tơ’lêi hlâu ăm mung liăn, tơniăn tung pêi pro tơdroăng tơkêa bro xĕn tah hngêi nhĕng lo ing kơpong kĭng pơlê kong kơdrâm Đà Lạt.