Lâm Đồng mơhno tíu hriâm ăm vâ chê 1.300 ngế vâi o ki lăm hriâm a Đà Lạt
Thứ sáu, 05:00, 18/07/2025
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơvâ ngăn hnê hriâm ƀă hnê mơjiâng tuăn ngôa rơkê kong pơlê Lâm Đồng dế pêi vâ rĕng klêi mơhno ăm hngêi trung lâm hriâm vâ tơdah 1.300 ngế hok troh mâu râ lo ing 2 kong pơlê Dak Nông, Bình Thuận (ton nah) tiô dêi nôu pâ lăm pêi cheăng a Đà Lạt.
Tung mê, kong pơlê Dak Nông (ton nah) ai lối 900 ngế hok tro ƀă kong pơlê Bình Thuật (ton nah) ai lối 360 ngế hok tro. Tiô Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Lâm Đồng, nôkố mâu hngêi trung hriâm tung pơlê kong kơdrâm Đà Lạt hên luâ râ kơxô̆ lâm xuân môi tiah kơxô̆ hok tro hriâm tung 1 lâm.
Xua mê, tơdrêng ƀă pêi pro tiô troăng hơlâ rah pro rế lĕm lâm hriâm vâ tơdah 1.300 ngế hok tro, kong pơlê hiăng tơmiât troh troăng hơlâ pêi pro ton xŏn mơjiâng pro nếo hngêi trung, tăng thái cô hnê.
Viết bình luận