Ki xiâm dêi kong pơlê kal vâ pêi pro mê cho thăm mơdêk ki rơkê a rêm râ mơhriâm ‘na nâl kong têa ê, tơtro tiô hiâm mơno pói rơhêng vâ tung mơhriâm, trâm mâ, tơpui tơno, châ hlê plĕng ‘na tuăn ngôa ki rơkê, khoa hok-kŏng ngê ƀă tơrŭm ƀă mâu kong têa tung lâp plâi tơnêi; tơdrêng amê, veăng gum mơnhông  mâu ngế ki rơkê khât, vâ veăng gum ăm kơvâ cheăng ki ó rơdêi akố, trối kơvâ ôm hyô, tê mơdró kâ, pêi chiâk pêi deăng ki xúa kŏng ngê̆ rơkê plĕng ƀă tơrŭm tung lâp plâi tơnêi. Ƀă kơvâ hnê hriâm phôh thong, kong pơlê kô séa mơnhên ngăn tơdroăng ki pói vâ kal hlê plĕng ‘na nâl kong têa ê pakĭng nâl Ăng-glê, pơtối hnê hriâm nâl Pơhlăng a mâu hngêi trung ki ai tŭm kế tơmeăm; tơdrêng amê, pơkâ mơnúa hnê nâl kong têa Kul ăm mâu pơlê cheăm ki rêh ối a kơpong tíu tơkăng kong.

Tiô tơdroăng ăm ‘nâi, tung hneăng ki apoăng kô tơkŭm  po hnê hriâm a 2 to hngêi trung râ má péa,  ai dâng 15% kơxô̆ hngêi trung ki ối tung kong pơlê kố. Tơdroăng ki mơnúa hnê hriâm nâl Kul a mâu cheăm tíu tơkăng kong ôh ta xê to veăng gum thăm rế ai tơ’nôm tơdroăng ki rơkê plĕng ‘na nâl kong têa ê, mê ối cho vâ thăm mơdêk ki tơrŭm pơla Kuăn pơlê, ing mê, veăng mơhnhôk mơnhông ki tơrŭm ‘na cheăng kâ-pêi lo liăn ngân, rêh ối pơlê pơla, kring vế, gak ngăn, tởtro ƀă troăng hơlâ ki tơlôm, tơmot ƀă kong têa vâi ê, bă hnối mơnhông cheăng kâ krá tơniăn dêi kong pơlê Lâm Đồng tung chal ki nếo.