Tung 30 rơpâu hô sơ mơ-éa tơnêi têa ki kong pơlê Lâm Đồng hiăng tơdah, kơxô̆ ki pro tro hâi khế châ lối 97%; tơdjêp lĕm ƀă tơdroăng pro mơ-éa cheăng kâ rêh ối ƀă tơnêi têa tơbleăng tơdrăng lối 2.200 hô sơ mơ-éa. Kong pơlê Lâm Đồng nôkố ối má 7/34 kong pơlê, pơlê kong kơdrâm ‘na ki dâi lĕm pêi cheăng a Tíu pro mơ-éa cheăng kâ rêh ối ƀă tơnêi têa.

Mơnhên ki xiâm kuăn mơngế cho ki má môi, kong pơlê Lâm Đồng dế tơkŭm tơleăng tơdroăng ôh tá tŭm, ôh tá tơdâng tơ’mô ‘na kăn ƀô̆ kơvâ kŏng ngê̆ thông tin, tơmeăm kong kế a râ cheăm. Pakĭng mê, mơnhên tơdroăng hngêi trăng, troăng klông kih thuât, tơmeăm hbrâ tá hâi tơdâng tơ’mô, tá hâi tơxâng tơdroăng kal vâ tơdroăng cheăng; thâ tơkŭm po mâu lâm hnê mơhno tơdroăng cheăng, tơbleăng sôh râng kŏng tơdroăng cheăng ăm rêm kơvâ cheăng.