Pơtối mê, pôa Nguyễn Văn Hoàng, Kăn hnê ngăn Vi ƀan tơring Lâm Hà châ pơtroh, rah xo pro Kăn phŏ pơkuâ tơdroăng xiâm tơdroăng cheăng Đảng kong pơlê Lâm Đồng. Pôa Nguyễn Văn Dậu – Kăn phŏ séa ngăn kong pơlê Lâm Đồng châ pơtroh rah xo pro Kăn phŏ pơkuâ hnê ngăn tơdroăng cheăng Đảng tơring Lâm Hà vâ rah xo Kăn hnê ngăn Vi ƀan tơring Lâm Hà.

Jâ Nguyễn Thúy Hằng – Kăn séa ngăn Khu pơkuâ tơdroăng kal tiô troăng rơ’jíu, um tơvi ƀă Internet châ pơtroh, rah xo to pro Kăn phŏ séa ngăn kong pơlê Lâm Đồng. Pôa Vũ Đình Cường – Kơ koan xiâm pơkuâ gâk ngăn kong châ rah xo pro Kăn phŏ pơkuâ Khu pơkuâ ‘na pêi chiâk deăng ƀă mơnhông thôn pơlê kong pơlê Lâm Đồng. Hneăng hôp xuân tơbleăng pơkâ rah xo pôa Nguyễn Trần Nhật Huy to pro Kăn phŏ pơkuâ Khu pơkâ túa cheăng ƀă Mơ’no liăn cheăng; rah xo pôa Nguyễn Văn Đức to pro Kăn phŏ pơkuâ Khu pơkuâ loăng pơlái kong kế ƀă kong prâi, pôa Lê Văn Thành to pro Kăn phŏ pơkuâ ‘na Luât.