VOV4.Xơ Đăng - Kơxo lơ 8/4, a pơlê kong kơdrâm Đà Lạt, Vi ƀan kong pơlê Lâm Đồng tơkŭm po Hneăng hôp mơgêi tơdroăng tơ’noăng pâ nhuô̆m tơnêi têa hơnăm 2021, mơhnhôk ƀă kĭ tơkêa tơ’noăng hơnăm 2022. Hneăng hôp ai jâ Võ Thị Ánh Xuân, Kăn xiâm phŏ hnê ngăn tơnêi têa, Kăn xiâm phŏ hnê mơhno má môi Hô̆i đong tơ’noăng kheăn kơdeăn tơnêi têa troh veăng.

Xông tơpui a hneăng hôp, pôa Trần Đức Quận, Kăn cheăng tung Khu pơkuâ xiâm Đảng, Kăn pơkuâ hnê ngăn cheăng Đảng kong pơlê, Kăn hnê ngăn Hô̆i đông kong pơlê Lâm Đồng tối, mơhé châ tơƀrê hên tơtro laga tơdroăng tơ’noăng pâ nhuô̆m tơnêi têa dêi kong pơlê xuân ối ai hên tơdroăng ki tá hâi rơkê tơtro. Vâ pro tơniăn, djâ tơ’noăng pâ nhuô̆m tơnêi têa dêi kong pơlê châ tơƀrê hên pơkâ thế mâu khu râ kăn pơkuâ hnê ngăn cheăng Đảng, khu râ kăn pơkuâ ai mâu troăng pêi ki nhên.

Roh kố, teăng mâ Hô̆i đong tơ’noăng kheăn kơdeăn Tơnêi têa, jâ Võ Thị Ánh Xuân, Kăn xiâm phŏ hnê ngăn tơnêi têa hiăng diâp Mê dái tơniăn krê ối má péa, Mê dái Gâk kring tơnêi têa ối má péa ƀă mâu Mê dái pêi cheăng ối má môi, má péa, má pái ăm 24 ngế krê ƀă 8 khu pú hên châ tơƀrê tung pêi pro mâu tơdroăng tơ’noăng pâ nhuô̆m tơnêi têa a pơlê kong kơdrâm.

A Sa Ly tơplôu [ă tơbleăng