Troăng kơneăng Seoul – Đà Lạt châ po troăng kơneăng xua Khu pơkuâ tơƀai Jeju Air dêi Hàn Quốc. Klêi kơ’nâi roh kơneăng apoăng, khu pơkuâ tơƀai kố kô pơtối rak roh kơ-eăng 7 roh kơ-eăng prôk vêh/môi măng tĭng. Kố cho troăng kơneăng tơdrăng má 3 tơdjêp ing Hàn Quốc troh Đà Lạt. Péa troăng kơneăng tơdrăng hiăng po hdrối mê cho Đà Lạt – Busan ƀă Đà Lạt – Jeju.

Tiô pôa Nguyễn Ngọc Phúc, Kăn phŏ hnê ngăn Vi ƀan kong pơlê Lâm Đồng, sap apoăng hơnăm troh nôkố, Đà Lạt – Lâm Đồng tơdah lối 363.000 roh tơmối lâp plâi tơnêi, tung mê, tơmối ôm hyô troh ing Hàn Quốc châ 60%. Tơdroăng po tơ’nôm troăng kơneăng Đà Lạt – Seoul kô kum mơnhông kơvâ ôm hyô ƀă cheăng kâ dêi péa kong pơlê.